Зелениот чај содржи витамин Ц, катехини и полифеноли кои имаат позитивно дејство на целиот организам. Содржи силни антиоксиданси кои ги спречуваат негативните ефекти на слободните радикали, причинители на многу болести. Катехините од зелениот чај растворени во вода го спречуваат растот и развојот на туморалните клетки и со самото тоа заштитуваат од појава на рак. Листовите и кората од лимон присутни во чајот го потикнуваат потењето и излачувањето на штетни метаболити создадени во телото како последица на вирусните инфекции. Лимонот ја смирува кашлицата и забрзаното срцебиење.
Коренот од ѓумбир во чајот:
- Ја подобрува циркулацијата на крвта дествувајќи како вазодилататор
- Има антикогултивно дејство поради што е добар против тромбоза
- Делува поволно на системот за варење, бидејќи ја стимулира продукцијата на желудочните сокови
- Ги релаксира дигестивните мускули
- Ги апсорбира и неутрализира отровите во желудникот, со што помага при грчеви и лошо варење
- На системот за дишење делува како антисептик и антиспазмолитик, со што помага во случај на воспаление на дишните патишта, астма, воспаление на синусите и крајниците
- Ефикасен е при лечење на настинки и грип
- Делува противвоспалително на урогениталниот систем
- Делува освежувачки
Начин на подготовка: Во една чаша врела вода загреана на 80 степени се додава 1 кафена лажичка зелен чај со лимон и ѓумбир, се остава да стои 5 минути, потоа се процедува и пие.
Поради богатата содржина на хранливи состојки, истата чајна мешавина може да ја употребите два пати. Доколку сакате да го засладите чајот, најдобро е да користите нешто здраво. Ви препорачуваме кафеав нерафиниран шеќер, мед, малтекс или гроздов слад - маџун кои во себе обилуваат со минерали и витамини. Уживајте во зелениот чај со лимон и ѓумбир барем три пати во денот. На тој начин ќе ја почувствувате природната моќ на лековитите билки.
